"Ermənilərin dinc əhalimizə hücumları terror aktıdır. Bu hücumlar həm əhalimizə, həm də Bakı-Tbilisi-Ceyhan kəməri kimi strateji obyektlərə edilir.”
Bunu respublikanın Baş Prokuroru Kamran Əliyev Türkiyənin "Haber Global” televiziyasına müsahibəsi zamanı bildirib.
O qeyd edib ki, Azərbaycan hökuməti mülki şəxslər arasında itkilərin olmaması üçün əlindən gələni edir. Lakin buna baxmayaraq, hərbi əməliyyatlar başlayandan - 27 sentyabrdan bu günə kimi 91 nəfər mülki şəxs həlak olub.
Baş Prokuror 400 nəfərin xəsarətlər aldığını da bildirib.
