"ABŞ Prezidenti Co Baydenin Rusiyanın dövlət başçısı Vladimir Putinə ünvanlanmış fərdi təhqirləri Moskva və Vaşinqton arasındakı münasibətlərin normallaşma imkanlarını məhdudlaşdırır".
Bunu RF Prezidentinin mətbuat katibi Dmitri Peskov deyib.
ABŞ Prezidentinin yeni açıqlamalarını şərh edən V.Peskovun fikrincə, dövlət lideri ayıq olmalıdır.
"Putinin ünvanına ittihamların Yuqoslaviyanın bombalanmasına çağırışlar etmiş Baydenin deməsi təəccüblüdür. Axı o, bir zamanlar ölkəsində televiziyada çıxış edəndə Yuqoslaviyanın bombalanmasını tələb etmişdi. O, insanların qətlə yetirilməsini tələb etmişdi. Bu səbəbdən təbii ki, onun dilindən bəhs etdiyim ittihamları eşitmək ən azı qəribədir", - D.Peskov deyib.
Bu gün Varşavadakı Milli Stadionda ukraynalı qaçqınların qəbul məntəqəsində olarkən C.Bayden yenə V.Putindən danışıb. Jurnalistlərdən biri "Hazırda Ukraynada baş verənlər baxımından Rusiya lideri barədə nə düşünürsünüz?" soruşub, Baydenin cavabı isə belə olub: "O qəssabdır, bax, bunu düşünürəm".
Martın 17-də isə C.Bayden Rusiya Prezidentini "Ukrayna xalqına qarşı mənəviyyatsız savaş aparan qaniçən diktator və əsl başkəsən" adlandırmışdı.
///Milli.Az
