Ermənistanda bayramqabağı əhali təşvişə düşüb. Belə ki, bu ölkədə əhaliyə ölmüş at əti satırlar. İrəvan bazarlarında sadə istehlakçılara mal əti adı altında ölü at əti təklif olunur. Bu barədə jurnalistlərə Ermənistan Kənd Təsərrüfatı Nazirliyi yanında Yeyinti məhsullarının təhlükəsizliyi xidmətinin ictimaiyyətlə əlaqələr üzrə rəhbəri Babken Pipoyan məlumat verib. Onun sözlərinə görə, hətta İrəvanın satış mərkəzlərində camaata mal əti adı ilə ölmüş heyvanların satıldığı yerlərin olduğu da məlum olub. O bildirib ki, bir çox bazarlarda vaxtı keçmiş və istifadəyə yararlı olmayan at əti mal əti adı altında camaata sırılır.
