BDU-nun hüquq fakültəsinin keçmiş dekanı: "Mən heç vaxt korrupsiya və rüşvətlə məşğul olmamışam"
GƏNCLİK
18:17 01.03.2011
2159
Dörd ilə yaxındır hüquq fakültəsinin dekanı vəzifəsini icra etdiyini deyən F. Səməndərov bildirib ki, bu müddət ərzində rektora 4 dəfə müraciət edərək vəzifəsindən azad olunmasını istəyib: “Səhhətimdə problemlər olduğu üçün dekan kimi işimin öhdəsindən tam olaraq gələ bilmirdim. Qeyd etmək istəyirəm ki, BDU-da aparılan islahatlar çərçivəsində mənim ərizəmin də qəbul edilməsi bu mübarizənin tərkib hissəsi kimi başa düşülüb. Mən heç vaxt korrupsiya və rüşvətlə məşğul olmamışam. Dekan vəzifəsindən azad edilməyimin bu cür təqdim edilməsini böhtan sayıram və bunun mətbuatın uydurmasından başqa bir şey olmadığını bildirirəm. Onlar dəqiqləşməmiş informasiya verərək bununla məsələni həddən artıq şişirtdilər. Mən BDU-nun əməkdaşıyam və Cinayət hüququ kafedrasının müdiri kimi fəaliyyətimi davam etdirirəm”.
