Milli komandamızım yarımmüdafiəçisi Elvin Məmmədovun müsahibəsi.
-Yığmamızı oktyabrın 16-da səfərdə Rusiyaya qarşı keçiriləcək oyuna hazır hesab edirsən?
-Bu qarşılaşmanın məsuliyyətini yaxşı dərk edirik. Məşqlərdə futbolçular canla-başla çalışırlar. Belə davam etsək, qarşıdakı oyuna yüksək əhval-ruhiyyədə çıxacağıq.
-Rusların yığmamıza yuxardan aşağı baxmasına münasibətin necədir?
-Qoy, onlar bu cür fikirləşməkdə davam etsinlər. Bəzən belə şeylərin axırı yaxşı qurtarmır. Türkiyə millsi də bir zamanlar bizi ciddiyə almamışdı. Nəticədə bizimlə qarşılaşmada məğlub olaraq dünya çempionatı kimi mötəbər yarışdan kənarda qaldılar. Əsas məsələ bizim onlardan xal almağımızdır. Rusların arxayınçılığı bizim xeyrimizə işləyə bilər.
-Necə düşünürsən, rusların hansı mövqeyindən ehtiyat etmək lazımdır?
-Düzdü, onlar onsuz da evdə daha güclü təsir bağışlayırlar. Rusların orta və hücum xətti daha təhlükəli olur.-Rusiyayla matçda meydana çıxacağına inanırsan?-Bu barədə baş məşqçiylə söhbətimiz olmayıb. Ancaq məşqlərdə özümü yaxşı tərəfdən göstərməyə çalışıram ki, növbəti oyunda heyətdə yer alım. Əgər baş məşqçi mənə şans versə, əlimdən gələni edəcəyəm. Mən millidə kifayət qədər oyun keçirmişəm. Qol vurmuşam, qol ötürmələri ötürmüşəm. Bu təcrübəmə güvənərək, etimadı doğruldacağıma inanıram.
-Bəs, fikrincə, Rusiya səfərindən xalla qayıda bilərik?
-Ruslar kağız üzərində favoritdir. Lakin elə bir komanda yoxdur ki, ondan xal alınmasın. Əgər Bakıda onların qapısına qol vurub bərabərə qalmışıqsa, eyni şeyi “Lujniki”də də edə bilərik. Şəxsən mən komandamıza inanıram.
//qol.az
