Araşdırmalar zamanı Ağa Mahmudovun əmək müqaviləsilə çalışdığı məlum olub
Neftçala rayonunda bələdiyyə binasında təmir işləri görən fəhlə bədbəxt hadisə nəticəsində dünyasını dəyişib. Neftçala Rayon Prokurorluğunun müstəntiqi Ramiz Əliyevin ANS PRESS-ə verdiyi məlumata görə, fevralın 8-də şəhər mərkəzində bələdiyyəsinin inzibati binasının fasadlarının təmiri zamanı fəhlə Ağa Mahmudov 3-cü mərtəbədən yıxılaraq ölüb.Araşdırmalar zamanı Ağa Mahmudovun əmək müqaviləsilə çalışdığı məlum olub. Faktla bağlı Cinayət Məcəlləsinin 162,2-ci maddəsilə cinayət işi başlanıb, araşdırma aparılır.
