"Beşiktaş" klubunda mühüm dəyişiklik baş verib.
AZXEBER.COM Türkiyə mətbuatına istinadən xəbər verir ki, klub prezidenti Serdal Adalı ilə baş məşqçi Sergen Yalçın arasında keçirilən kritik görüş başa çatıb.
Məlumata görə, tərəflər qarşılıqlı razılıq əsasında yollarını ayırmaq qərarına gəliblər. Görüş Ümraniye Nevzat Demir Təlim Təsisləri ərazisində baş tutub.
Mövsümü Türkiyə Super Liqasında 4-cü pillədə tamamlayan və Türkiyə Kubokunun yarımfinal mərhələsində mübarizəni dayandıran "Beşiktaş”da nəticələrin ardından dəyişiklik qərarı verilib. İddialara əsasən, təcrübəli mütəxəssis istefa qərarı verib və bu gün klub tərəfindən rəsmi açıqlamanın yayımlanacağı gözlənilir.
Klub daxilində digər dəyişikliklərin də gündəmdə olduğu bildirilir. Belə ki, Futbol Komandaları Koordinatoru Serkan Reçberin də vəzifəsindən azad ediləcəyi ehtimal olunur.
Rəsmi açıqlamanın yaxın saatlarda verilməsi gözlənilir.
