Bu gün Azərbaycanın ilk müstəqil tələbə qəzeti “Student Times”ın bir yaşı tamam olur.
AZXEBER.COM-un məlumatına görə, 2011-ci il iyul ayının 5-dən etibarən fəaliyyət göstərən qəzet ölkə mətbuatı tarixində bir neçə yeniliklərlə yadda qalmağı bacarıb.
Hazırda dörd dildə çap olunan qəzet Azərbaycanın daxilində 9, xaricində isə 7 üniversitetin tələbələri ilə əməkdaşlıq edir. Bu universitetlər sırasında Harvard, Moskva Dövlət, İstanbul, Vyana Dövlət Universitetlərinin adlarını çəkmək olar. Rəngli formatda çap olunan qəzet xarici görünüşünə görə sırf türk və qərb qəzetlərin dizaynını xatırladır.
Onu da qeyd edək ki, hazırda qəzet Cənubi Qafqazın və Mərkəzi Asiyanın tək müstəqil tələbə qəzetidir.
