AZXEBER.COM xəbər verir ki, "BİRLİK” Festivalları Sabirabad, Mingəçevir, Quba, Gəncə və Ağstafa şəhərlərində  keçirilib və ümumilikdə 5000-dən çox gənc milli dəyərlər ətrafında bir araya gəliblər.

Festival çərçivəsində hər bir regionda tədbir Azərbaycan Respublikasının dövlət himninin səsləndirilməsi və şəhidlərində xatirəsinin yad edilməsi ilə başlayıb. Daha sonra gənclər təşkilatlarının nümayəndələri qurulan stendlərdə öz təşkilatlarını və həyata keçirdikləri layihələr haqqında məlumat veriblər. Stendlərdə gənclərin marağını cəlb edən müxtəlif yarışma və müsabiqələr təşkil olunub, qaliblərə hədiyyə və promo məhsullar təqdim edilib.

Proqram əsasən sərginin sonunda hər bir regionda açıq hava konsertləri təşkil edilib. Müxtəlif gənc ifaçılar səhnə alaraq təqdim etdikləri ifalarla iştirakçılara xoş anlar yaşadıblar. 

Bu festivallar gənclərin milli dəyərlərə sadiqliyini artırmaq və onların birliyini gücləndirmək baxımından mühüm əhəmiyyət kəsb etib.