Bu gün Gəncə Dövlət Universitetində “Türkiyə Universitetləri Məzunları”İctimai Birliyi (TUMİB) Azərbacan Respublikası Prezidenti yanında Gənclər Fondunun maliyyə dəstəyi ilə “Biz narkotik bəlasını tanıyırıq və gənclərə tanıdırıq” adlı layihəsi çərçivəsində “Narkotik bəlasından gəncləri qoruyaq” adlı tədbir keçirdi.

Tədbiri universitetin prorektoru dosent Pərvin Kərimzadə açaraq tədbirin günümüzdə əhəmiyyəti haqqında danışaraq sözü TUMİB-in sədri Çingiz Bayramov verdi. Təşkilatın sədri cıxışında təlimin məqsədindən danışdı. Bildirdi ki, Bakı şəhərində keçirilən təlimdən sonra Azərbaycanın ikinci böyük şəhəri olan Gəncə şəhərində bu təlimin keçirilməsi xüsusi əhəmiyyət daşıyır. Daha sonra TUMİB-in fəal üzvü və layihənin təlimçisi Cabir Dövlətzadə narkomaniyanın fəsadlarından hələ orta məktəbdə oxuyan şagirdlərə aşılamaq lazımlığını və layihənin aktuallığından bəhs etdi. O bildirdi ki, narkotiklərlə bağlı cinayətlərin xarakteristikası, bu növ hüquq pozmalarının rəsmi qeydiyyatdan kənarda qalma faizi olduqca yüksəkdir və bunun qarşısını almaq üçün hər yerdə mübarizə aparmaq gərəklidir. Bu mövzuda bu cür təlimlərin keçirilməsi mütləqdir.

Təlimdə digər çıxış edənlər narotikanın bu gün bəşəriyyəti düşündürən və rahatsız edən ən ağrılı problemlərdən biri də cəmiyyətin ciddi bəlasına, xalqın, millətin təhlükə mənbəyinə çevrilən narkomaniya və geniş anlamda narkotizm olduğundan bəhs edərək narkomaniya bütün ölkələrdə aktual mövzulardan biri olduğunu vurğuladılar.

Təlimin sonunda iştirakçılara TUMİB-in diplomları verildi.