Ukraynadakı müharibə bu il aprelin sonunadək başa çata bilər.
AZXEBER.COM "Report"a istinadən xəbər verir ki, bunu Böyük Britaniyanın xarici işlər naziri Devid Lammi "Radio 4"ə müsahibəsində deyib.
Onun fikrincə, sülh ABŞ-nin yeni seçilmiş prezidenti Donald Trampın hakimiyyətinin ilk vaxtlarında əldə edilə bilər.
Nazir həmçinin Rusiyanın danışıqlara hazır olmadığını diqqətə çatdırıb.
Qeyd edək ki, daha əvvəl Böyük Britaniyanın "Sky News" televiziya kanalı öz mənbələrinə istinadən savaşın aprelin 20-nə qədər bitə biləcəyini bildirmişdi.
Xatırladaq ki, Rusiya ilə Ukrayna arasında genişmiqyaslı müharibə 2022-ci il fevralın 24-də başlayıb. Ukrayna Prezidenti Volodimir Zelenski daha əvvəl müharibənin 2025-ci ildə bitəcəyinə ümid etdiyini demişdi.
