AZXEBER.COM-un verdiyi məlumata görə, xəstəliyi ağır mərhələdə olan Vüqar yaşamaq üçün müntəzəm olaraq dializ qəbul etməlidir.
Daimi dializ qəbulu çox xərc tələb etdiyindən gəncin həyatı təhlükə altındadır. O bu barədə “Facebook” sosial şəbəkəsində status yazıb: “İndi haqqımı istiyirəm. Pulum qurtarandan sonra dializə getməyəcəm. Dializsiz də neçə gün yaşamaq olar, özünüz hesablayın! Siz olacaqsız qatil! Eşidirsiz məni?”
Dostları ona yardım etmək üçün “Facebook”da “event” də yaradıblar. Burada onlar hər kəsi Vüqar Feyzullaya kömək etməyə çağırırlar.
Qeyd edək ki, dializ vasitəsilə böyrək çatışmazlığından əziyyət çəkən xəstələr süni böyrək aparatına qoşulur və bədəndəki maye xaric olunur. Xəstəliyin ağır mərhələsində olan xəstələr həftədə ən az 2-3 dəfə dializ qəbul etməlidir.
