Bu gün Hicri təqvimin ilk ayı olan məhərrəmin birinci günüdür. Hicri təqvimi öz başlanğıcını İslam peyğəmbəri həzrəti Məhəmmədin (ə.s.) Məkkə şəhərindən Mədinəyə hicrət etməsi (köçməsi) tarixindən alır. Bu təqvim ilk dəfə hicrətin 17-ci ilində II xəlifə Ömər tərəfindən elan edilib.Bu təqvimin ilk ayı olan məhərrəmin 10-da isə müsəlmalar üçün əlamətdar olan peyğəmbər nəvəsi həzrəti Hüseynin (ə.s.) şəhadət günü olan Aşura (ərəbcə on) günü var.
