Millimiz gücünə görə ikinci səbətdən püşkatmaya qoşulacaq
Bu gün futzal üzrə Avropa çempionatinin final mərhələsinin püşkü atılacaq. AZXEBER.COM-un məlumatına görə, məhz bundan sonra futzal üzrə Azərbaycan yığma komandası qrup mərhələsindəki rəqiblərini tanıyacaq. UEFA final mərhələsində yarışacaq 12 komandadan 11-ni reytinqinə əsasən səbətlərə bölüb. Yalnız yarışa ev sahibliyi edəcək Belçika yığması birbaşa A qrupunun birinci komandası kimi qrupda yerini alıb. Millimiz gücünə görə ikinci səbətdən püşkatmaya qoşulacaq. Komandamıza rəqibə ola biləcək Avropa nəhəngləri - İspaniya, İtaliya və Rusiya üçüncü səbətə salınıblar. Komandamıza 3 nəhəngdən biri ilə qarşılaşmaqdansa, meydan sahibi ilə bir qrupda oynamaq daha sərfəlidir. 3 il əvvəl yığmamız meydan sahibi Macarıstanla eyni qrupa düşməkdən maksimum yararlanaraq sonda qitə dördüncüsü olub. Püşk millimizin üzünə gülsə, o zaman Belçikanın yer aldığı qrupu birinci adlamaqla növbəti mərhələdə nisbətən zəif rəqiblə görüşmək imkanı qazanacağıq. Püşkün nəticəsinə görə komandalar final turnirində hər birində 3 yığma olmağla 4 qrupda yarışacaqlar. Millimiz üçüncü dəfədir ki, Avropa çempionatının final mərhələsinə yüksəlir. Ötən il futzalçılarımız qrupdan çıxa bilmiyiblər.
