Moldova hökuməti Kişinyov və digər yaşayış məntəqələrini su ilə təmin edən Dnestr çayının suyunun səviyyəsinin aşağı düşməsi səbəbindən suyun istifadəsinə məhdudiyyətlər tətbiq edib.
AZXEBER.COM xəbər verir ki, bu barədə Nazirlər Kabinetinin saytında məlumat verilib.
Bildirilir ki, Dnestrdən suvarma üçün suyun götürülməsinə artıq yalnız gecə vaxtı — yerli vaxtla saat 21:00-dan 06:00-dək icazə verilir. Su əsasən həyati ehtiyaclar üçün istifadə olunacaq. İçməli su küçələri, səkiləri yumaq və ya üzgüçülük hovuzlarını doldurmaq üçün istifadə edilə bilməz. Qida istehsalı və ya dərman istehsalı ilə məşğul olmayan sənaye müəssisələrindən su istehlakını ən azı 20% azaltmaq tələb olunur.
Bundan əlavə, hökumət pik saatlarda — saat 18:00-dan 22:00-dək — kommersiya elektrik enerjisi ixracını məhdudlaşdırıb. Dövlət qurumlarına və pərakəndə satış obyektlərinə daxili işıqlandırmanı 30% azaltmaq, müəssisələrə isə enerji sərf edən prosesləri qeyri-pik saatlara keçirmək tövsiyə olunur.
