Çimərlik mövsümü ərzində Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidmətinin əməkdaşları tərəfindən 73 nəfər xilas edilib.
AZXEBER.COM xəbər verir ki, bu barədə FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin İctimaiyyətlə əlaqələr və təbliğat şöbəsinin rəisi, daxili xidmət polkovnik-leytenantı Akşin Əlili məlumat verib.
Onun sözlərinə görə, xidmətin nəzarət etdiyi çimərliklərdə ölümlə nəticələnən suda boğulma hadisəsi qeydə alınmayıb.
Akşin Əlili bildirib ki, nəzarətsiz çimərlik ərazilərində isə 51 nəfərin cəsədi sudan çıxarılaraq aidiyyəti üzrə təhvil verilib.
Şahanə Ziyad
