Meri Hantın 97 yaşı var.O, üç bacı arasında ən kiçiyidir. 12 övlad, 17 nəvə və 29 nəticənin ağbirçəyi olan Merinin iki bacısı ondan da yaşlıdır.Belə ki, böyük bacıHilda Qrininqin 107, ortancıl bacıCin Andervudun isə 104 yaşı var.İngiltərənin Qlosterşir şəhərindəki qocalar evinə, böyük bacısının yanına gəlmiş Merinin ad gününü bacıları da təbrik ediblər.107 yaşlı Hildanın dediyinə görə, kiçik bacısı həmişəki kimi, "dəcəl qızdır"."Mən ona dəfələrlə demişəm ki, bu qədər dəcəllik etmək olmaz. Amma kimə deyirsən?! Meri sonbeşiyimizdir və həmişə də istədiyini edib", - 107 yaşlı böyük bacı deyib.Merini təbrik etməyə gələnlər arasında hamını onun qızı Elizabet Sallis qabaqlayıb.74 yaşlı Elizabetin 4 nəticəsi var."Anam və xalalarım həyatlarını maraqlı yaşayıblar. Onların uzunömürlülüklərinin səbəblərini bilmirəm. Bəlkə də genetik məsələdir", - Elizabet deyib.Srağagün isə Hilda Qrininqin ad günü idi.Muzdur Harri Uisli və onun xanımı Yuliyanın qızları olan bu üç bacı Qlosterşirdəki Uinçkomb şəhərində doğulub böyüyüblər.Hilda 1931-ci ildə Kiril Qrininqə ərə gedib və 45 il bəxtəvər nikahda olub.Ceyn isə Artur Andervudla 1940-cı ildə ailə həyatı qurub. Ceyn indi Dorset qraflığındakı Çarmut şəhərində, Meri isə Qlosterşirdəki Tuininq şəhərində əri, bağban Uilyamla birlikdə yaşayır.
