"Bir sənət adamı üçün ən böyük hədiyyə səhnədə xalqın sevgisi ilə qarşılanmaqdır".
AZXEBER.COM xəbər verir ki, bu sözləri bu gün 50 yaşını qeyd edən Xalq artisti Tünzalə Ağayeva deyib.
"Rəngarəng" verilişinə telefon zəngi vasitəsilə qoşulan sənətçi sevənlərinə təşəkkür edib:
"Bir sənət adamı üçün ən böyük hədiyyə səhnədə xalqın sevgisi ilə, alqışı ilə qarşılanmaqdır. O sevgini də bizə peşəmizə olan eşqimiz qazandırıb. Nə yaxşı ki, Allah bu eşqdən mənə də nəsib edib.Cavan görünsəm də yarım əsri geridə qoymuşam, artıq 50 yaşım oldu. Mənə ən böyük hədiyyə isə xalqın məınə olan münasibəti və sevgisidir. Bu məhəbbət mənim baş tacımdır".
Aysel
