Ceyhun Osmanlı və Fuad Muradov Almaniyaya getdilər

Millət vəkili Ceyhun Osmanlı və Fuad Muradov Azərbaycan Respublikasının dövlət müstəqilliyinin bərpasının 20-ci ildönümünə həsr olunmuş “Təhsil – Perspektivlər – Müvəffəqiyyətlər” mövzusunda keçirilən konfransda iştirak etmək üçün Berlində səfərdədirlər.AZXEBER.COM-un məlumatına görə, konfrans Azərbaycan Respublikasının Almaniyadakı Səfirliyi, Azərbaycan Respublikasının Dövlət Neft Şirkətinin Almaniyadakı nümayəndəliyi, Almaniyadakı Azərbaycanlıların Koordinasiya Mərkəzinin təşkilatçılığı ilə keçirilir. Tədbirdə həmçinin Azərbaycan Respublikasının Gənclər və İdman nazirinin müavini İntiqam Babayev, Azərbaycan Respublikası Prezident Administrasiyasının xarici əlaqələr sektorunun müdiri Həsən Məmmədzadə, millət vəkili Fuad Muradov, Azərbaycan Respublikasının Prezidenti yanında Dövlət Qulluğu Məsələləri üzrə Komissiyanın Baş Müşaviri Nərmin Zeynalova, Azərbaycan Respublikası İqtisadi İnkişaf Nazirliyinin Dövlətlərarası iqtisadi əməkdaşlıq şöbəsinin məsləhətçisi Anar Bayramov, Azərbaycan Respublikası Xarici İşlər Nazirliyinin şöbə müdiri Rizvan Nəbiyev, Azərbaycan Respublikası Təhsil Nazirliyinin şöbə müdiri Müjdat Həsənov, ARDNŞ-nin şöbə müdiri İlqar Əliyev, Avropa-Azərbaycan Cəmiyyətinin sədri Taleh Heydərov, Azərbaycanın tələbə və məzunlarının Beynəlxalq Forumunun (ASAIF) nümayəndəsi Orxan Əkbərov, Hessen Sülh və Münaqişə araşdırmaları Fondunun nümayəndəsi Dr. Azər Babayev, Azərbaycan Respublikasının Dövlət Neft Fondunun icraçı direktoru Şahmar Mövsümov, Heydər Əliyev Fondunun icraçı-direktoru Anar Ələkbərov, Azərbaycan Respublikası Diaspor ilə İş üzrə Dövlət Komitəsinin şöbə müdiri Vaqif Seyidbəyov, „İPS - Azərbaycan“ ictimai Birliyinin sədri, Hamburq Universitetinin „Hüquq“ fakültəsinin tələbəsi Həbib Məmmədli, Petra Sorau – Alman Tələbə Mübadiləsi Xidmətinin (DAAD) nümayəndəsi, Deutsche Bank AG-nin İnsan Resursları üzrə direktoru Hans-Juergen Schmitt, E.ON Ruhrgas AG, Xəzər Bölgəsi Bölməsinin Rəisi Sahand Hagi, Commerzbank AG, Münasibətlər üzrə baş Menecer Axel Nikolaus Bommersheim, RWE Dea AG, Azərbaycan üzrə Layihə Müdiri Jürgen Schober, Uhde GmbH-nın Kommersiyanın İnkişafı üzrə Vitse-Prezidenti Beate Becker, Vice-President Major Projects Europe & Central Asia, AECOM AG-nin Avropa və Orta Asiya Əsas Layihələri üzrə vitse-prezidenti Dr. Stephan Eibl, UMR GmbH-nın Meneceri Prof. Dr. Christoph Eipper iştirak edirlər.Konfrans zamanı “Müstəqilliyin 20 ili və Azərbaycanın gənc nəslinin perspektivləri”, “Azərbaycanlı tələbə və doktorantların təhsil və həyatı və onların alman cəmiyyətinə inteqrasiyası, Almaniyadakı Azərbaycan diasporasında tələbələrin rolu”, “Azərbaycanın dövlət və özəl sektorunda karyera imkanları” mövzularında fərqli panellərdə müzakirələr aparılacaq.