Son illər süni intellekt alətləri iş axtaranların da əsas köməkçilərindən birinə çevrilib. Xüsusilə ChatGPT vasitəsilə hazırlanan CV və motivasiya məktubları həm vaxta qənaət edir, həm də daha peşəkar görünür.
Bəs bu, həqiqətən iş tapmaq şansını artırırmı?
AZXEBER.COM xəbər verir ki, karyera üzrə mütəxəssislərin sözlərinə görə, ChatGPT namizədin bacarıq və təcrübəsini daha səlis və peşəkar şəkildə təqdim etməyə kömək edə bilər. Süni intellekt həmçinin CV-də qrammatik səhvləri aradan qaldırır, mətnin strukturunu yaxşılaşdırır və konkret vakansiyaya uyğun məzmun hazırlaya bilir.
Lakin ekspertlər xəbərdarlıq edirlər ki, süni intellekt tərəfindən tamamilə standart şəkildə yazılmış CV-lər işəgötürənlərin diqqətini cəlb etməyə da bilər. Bir çox şirkət eyni ifadələrin və şablon mətnlərin tez-tez təkrarlandığını müşahidə edir. Bu isə namizədin fərdi xüsusiyyətlərini kölgədə qoya bilər.
Bundan başqa, bəzi şirkətlər CV-lərdə göstərilən məlumatların müsahibə zamanı yoxlanıldığını bildirirlər. Süni intellektin əlavə etdiyi, lakin namizədə aid olmayan bacarıqlar və ya təcrübələr sonradan etibarın itirilməsi ilə nəticələnə bilər.
İnsan resursları üzrə mütəxəssislər hesab edirlər ki, ChatGPT-dən istifadə etmək faydalıdır, lakin onu yalnız köməkçi vasitə kimi qiymətləndirmək lazımdır. Ən yaxşı nəticə üçün süni intellektin hazırladığı mətni namizəd öz təcrübəsinə uyğunlaşdırmalı, real nailiyyətlərini əlavə etməli və sənədi fərdiləşdirməlidir.
Mütəxəssislərin fikrincə, işə qəbul prosesində əsas üstünlüyü yenə də namizədin bilik və bacarıqları, müsahibədə özünü təqdim etməsi və təcrübəsi müəyyən edir. ChatGPT isə bu prosesdə sadəcə daha keyfiyyətli CV hazırlamaq üçün istifadə oluna biləcək vasitələrdən biridir.
Şahanə
