Futbol tarixinin ən məhsuldar qolkiperi olan Rojerio Seni karyerası ərzində 95-ci qoluna imza atıb. Seni “San-Paulo” klubunun heyətində “Linense” klubunun qapısına cərimə zərbəsindən sonra yol tapıb.
Rojerio Seninin 85-ci dəqiqədə vurduğu qol “San Paulo”ya “Linense” üzərində 3:2 hesablı qələbə qazandırıb. “San Paulo”nun heyətində daha bir əfsanəvi braziliyalı futbolçu Rivaldo da matçda fərqlənib. O, yeni komandasının heyətində debüt oyunundaca bir qola imza atıb.
Xatırladaq ki, “San Paulo” çempionatda “Amerikana” ilə birlikdə 3-cü 4-cü yerləri bölüşdürür. Hər iki komandanın aktivində 12 xal var. “San-Paulo” liderdən 4 xal geri qalır. Turnir cədvəlinin lideri isə”Palmeyras” klubudur.
