Təhminə Tağızadənin Gəncədəki söküntülərlə bağlı reportajları kanalda yayımlanmayıb ANS televiziyasını tərk edən jurnalistlərin sayı durmadan artır. Telekanalın bir sıra tanınmış əməkdaşlarının istefasının ardından Gəncəbəsar bölgəsi üzrə təmsilçisi Təhminə Tağızadə də telekanalı tərk edib. Təhminə Tağızadənin telekanalı tərk etməsinə səbəb onun Gəncə şəhərində başlanan qanunsuz söküntü bumu ilə bağlı hazırladığı reportajların efirə verilməməsi olub. Belə ki, Gəncə şəhər icra hakimiyyətinin başçısı Elmar Vəliyev kanal rəhbərliyinə müxtəlif yollarla təsir edərək, həmin çəkilişlərin efirdə yayımının qarşısını ala bilib. Buna etiraz edən jurnalistlə telekanalın xəbərlər departamentinin rəhbəri Sevinc Osmanqızı arasında mübahisə yaranıb. Bu mübahisənin sonucunda isə jurnalist ANS-i tərk edib.
