Daha bir yol ötürücüsündə işlər 2013-cü ildə yekunlaşacaq
İQTİSADİYYAT
11:54 09.08.2012
2458
Alı Mustafayev, Hüseynbala Əliyev, Abdulvahab Salamzadə küçələrinin Ziya Bünyadov prospekti ilə kəsişməsində müxtəlif səviyyəli yol qovşağının tikintisi davam etdirilir.“Azəryolservis” ASC-nin mətbuat xidmətindən verilən məlumata görə, yol qovşağı kompleksinə 3 tunel, 1 yol ötürücüsü daxildir. İki gediş, iki gəlişdən ibarət olacaq birinci tunelin uzunluğu 890 metr, eni isə 22 metr olacaq. Tunel vasitəsi ilə 3-cü mikrorayon bazarı adlanan ərazidən “Xutor dairəsi”nə daxil olmadan Ziya Bünyadov prospektinə nəqliyyat vasitələrinin hərəkəti təmin ediləcək. Sözügedən tuneldə tirlərin montajı, pərdələrin betonlanması və torpaq-qazma işləri həyata keçirilir. İki gedişdən ibarət olacaq ikinci tunelin ümumi uzunluğunun 450 metr, eninin isə 10,5 metr nəzərdə tutulub. Tunel vasitəsi ilə Abdulvahab Salamzadə küçəsindən “Xutor dairəsi”nə daxil olmadan Ziya Bünyadov prospektinə nəqliyyat vasitələrinin hərəkəti mümkün olacaq. Hazırda sıvay-qazma işləri və tikinti altına düşən maneələrin köçürülməsi işləri davam etdirilir.
