Yasamalda qətl hadisəsi törədilib.
Rayon Prokurorluğundan SİA-ya verilən məlumata görə, bu gün Əhməd Cəmil küçəsi ev 83-ün qarşısında alın nahiyəsində bir güllə yarası olan meyit aşkar olunub. Meyitin yanında “Makarov” tipli tapança aşkarlanıb. Araşdırmalar zamanı həmin şəxsin 52 yaşlı Ələkbərov Namiq Fikrət oğlu olduğu məlum olub. Qeyd edək ki, Namiq Ələkbərov bir neçə il əvvəl DİN 2 saylı poliklinikasının rəisi işləyib. Faktla bağlı araşdırma aparılır.
