xari

“Dedi ki, Muradı möhkəm döyün, zərbələr ona yox, cinə dəyir”

SOSİAL
17:47 22.10.2019
7261
Hazırda Bakı Ağır Cinayətlər Məhkəməsində 26 yaşlı Murad Soltanovu cin çıxarmaq adı ilə döyərək öldürməkdə təqsirləndirilən dəstə üzvlərinin məhkəməsi davam edir. Onlar özlərini təqsirli bilməyərək ifadə verməkdən imtina ediblər. Məhkəmənin baxış mərhələsində olduğu dövrdə onların istintaqa verdiyi ifadələr məlum olub.

AZXEBER.COM-un "Qafqazinfo”ya istinadən verdiyi xəbərə görə, onların başçısı sayılan Füzuli Qəribov ifadəsində deyib ki, Şabran rayonuna səfər edən turistlərə tərcüməçilik etmək və psixi xəstəliyi olan şəxsləri Quran oxuyaraq müalicə etməklə ailəsini dolandırır:

"Müalicə üsulum belədir ki, xəstələrin alnına əlimin içini qoyaraq Quran oxuyuram. Heç vaxt xəstələri müalicə etmək məqsədi ilə hər hansı əşya ilə vurmamışam. 2018-ci ilin avqust ayında tanışım Elnur ögey oğlu Muradın psixi xəstəliyi olduğunu və Quran oxumaqla müalicə etdirmək istədiyini dedi. Mən onunla razılaşdım, Bakıya gəlib Muradla görüşdüm. Onun müalicə etmək üçün Şabrana aparmağın vacib olduğunu dedim. Sentyabr ayında Murad atası Şahinlə Şabrana gəlib ev kirayələdilər. Müalicə vaxtı mən 5 dəfə Murada Quran oxudum, bir dəfə isə atası Şahin onu pol taxtası ilə vurdu. Bundan başqa Muradı heç kim vurmayıb. Mənim 10 günlük müalicəm nəticəsində Muradın vəziyyəti yaxşılaşdı, o, atası ilə Bakıya qayıtdı. Oktyabrın axırında Şahin yenidən Muradı Şabrana gətirib vəziyyətinin pisləşdiyini, müalicəni davam etdirməyimizi xahiş etdi. Noyabrın əvvəlində Vüsal İbrahimovun evində ilk seansı keçirdik, Cəmillə Əfqan da ordaydı. Mən Quran oxuyarkən həm özüm, həm də Cəmillə Əfqan onun qarın və bud nahiyələrinə nar çubuğu ilə zərbə vururdular. Sonrakı günlərdə ancaq Quran oxudum. Noyabrın 7-də Vüsalın evində görüşüb birlikdə yemək yedik. Onlara dedim ki, noyabrın 9-na planlaşdırdığımız "ruqiyyə”də mən olmayacağam. Əvəzimdə Vüsalın Quran oxuyacağını, digərlərinin isə Muradın əl-qolunu bağlayıb nar çubuğu ilə daha möhkəm vurmalarını tapşırdım. Həmin vaxt Murad da, atası da, Cəmil, Əfqan, Elnur və dostu Emin də ordaydı. Ona görə möhkəm vurmalarını tapşırdım ki, ondan əvvəl atası Şahin "uşaq vurulmasa düzəlmir, bunu daha möhkəm vurun, əti sizin, sümüyü mənim” demişdi. Noyabrın 9-da mən evimdə olanda zəng edib Muradın vəziyyətinin pis olduğunu dedilər, mən də Şahinə zəng edib bunu dedim, özüm də Vüsalgilə getdim. Mən ora çatanda dedilər Murad özündə deyil və "qaytarıb”. Mən təcili yardım çağırdım, amma Muradın dili qatlandı və keçindi”. 

Cin çıxarmaq əməliyyatının evində keçirildiyi Vüsal İbrahimov da hər şeyi etiraf edib: "Füzuli ilk "ruqiyyə”də Murada döşəmədə arxası üstdə uzanmağı tapşırdı, özü isə Quran oxuyub çubuqla onun qarnına vururdu. Mən yox, amma Cəmillə Əfqan da Muradı vururdular. "Ruqiyyə” başa çatandan sonra Murad özü ayağa durub özünü yaxşı hiss etdiyini dedi və atalığı Elnurla çıxıb getdi. Noyabrın 9-dakı "ruqiyyə”də Füzuli yemək bişirmək adı ilə öz evinə getdi. Füzuli getməmişdən əvvəl "bu dəfə Muradı möhkəm çubuqlayıb, onsuz da həmin zərbələr Murada yox, cinə dəyir” dedi. Füzuli demişdi ki, mən Quran oxuyum, Aprel və Sahib Muradın əl-ayağını tutsun, Cəmillə Əfqan isə nar çubuğu ilə döysün. Mən 15 dəqiqə Quran oxuyandan sonra Muradı bərk döydüklərindən özümü pis hiss elədim və Quranı başa çatdıra bilmədim. Muradın özünü pis hiss etdiyini görüb həyətə çıxardıq, sonra eşitdim ki, Murad ölüb”.

Cəmil Qayıbov isə mərhum Muradın onlara necə yalvardığını danışıb: "Noyabrın 9-da "ruqiyyə”də Murada yerdə uzanmağı təklif etdik, o isə otursa da, müxtəlif bəhanələr gətirərək uzanmaq istəmirdi. Mən Muradın qolundan tutub narahat olmamasını, ona kömək edəcəyimizi dedim. Bundan sonra Murad özü könüllü uzandı, Vüsal onun başı üstündə durub Quran oxuyurdu, mənlə Aprel çabalamasın deyə Muradın əllərindən, Emin və Sahib isə ayaqlarından tutmuşduq, Əfqan da çubuqla vururdu. Murad tez-tez "dayanın, durum su içim, ayaqyoluna gedim” deyirdi, bu proses 15 dəqiqə çəkdi, sonra Əfqan əlavə çubuq lazım olduğunu deyib həyətə getdi. O nar ağacından iki çubuq qırıb geri qayıtdı. Çubuğun birini bizə verdi, əvvəl Emin, sonra da məbn Muradın ayaqlarına çubuqla vurmağa başladıq. Muradın bədənindən cini çıxarmağımçız 2 saat çəkdi. Sonra Şahin gəlib Muradı apardı, səhəri gün Muradın rəhmətə getdiyini eşitdim”.


OXŞAR XƏBƏRLƏR

ƏN SON XƏBƏRLƏR

23:41 15.01.2021

BMT-nin baş katibi və sədri peyvənd olacaq

23:25 15.01.2021

Tanınmış aparıcı Mikayılın verilişi bağlandı, özü isə…

22:53 15.01.2021

Faiq Ağayev "Sən qalibsən” mahnısının klipini təqdim etdi - VİDEO

22:35 15.01.2021

Belçikada itkin düşən azərbaycanlı müəllimin meyiti tapıldı - FOTO

22:23 15.01.2021

Vilayət Eyvazovdan yeni TƏYİNAT

21:54 15.01.2021

Qənirə Paşayeva “Qarabağ” Ordenli şəhid mayorun xanımı ilə görüşüb

21:28 15.01.2021

Azərbaycan XİN:"Ermənistan beynəlxalq məhkəmələr qarşısında cavab verməlidir"

20:56 15.01.2021

İqtisadi Şuranın növbəti iclası keçirilib

20:29 15.01.2021

Prezident: Əminəm ki, Polad gəlib atasının evini bərpa edəcəkdir – VİDEO

20:07 15.01.2021

BMT: Dünya pandemiyadan əvvəlki vəziyyətə qayıtmayacaq

19:49 15.01.2021

İlham Əliyev: “Azərbaycan xalqı əsrlərboyu azadlıq, müstəqillik eşqi ilə yaşayıb”

19:32 15.01.2021

İlham Əliyev, Mehriban Əliyeva və qızları yenidən Cıdır düzündə olublar - FOTOLAR

19:30 15.01.2021

İlham Əliyev: "Dünən gecə Şuşada qalmağa qərar verdik"

19:18 15.01.2021

Prezident Cıdır düzündə paxlava ilə çay içib: "Dostlarımız sevinsin, düşmənlərin gözü kor olsun!"

19:04 15.01.2021

“Azəriqaz”: Heç bir abonentə sərfiyyatdan artıq borc yazılmır

18:43 15.01.2021

Ceyhun Bayramovun finlandiyalı həmkarı ilə telefon danışığı olub