Cənubi Koreyalı alimlər depressiyanın müalicəsinə yönəlmiş diqqətçəkən bir texnologiya üzərində işləyirlər.
AZXEBER.COM xəbər verir ki, tədqiqatçılar göz vasitəsilə beyinə elektrik siqnalları göndərə bilən "ağıllı kontakt linzalar” hazırlayıblar.
Bu linzaların məqsədi əhval-ruhiyyəni tənzimləyən beyin dövrlərini stimullaşdırmaqdır. Lakin texnologiya hələ çox erkən mərhələdədir. Təcrübələr indiyədək insanlarda yox, yalnız laboratoriya siçanları üzərində aparılıb.
Ağıllı linzalar necə işləyir?
Tədqiqatın əsasında göz ilə beyin arasındakı güclü əlaqə dayanır. Retina işığı elektrik siqnallarına çevirir və bu siqnallar görmə siniri vasitəsilə beyinə ötürülür.
Alimlər bu təbii əlaqədən istifadə edərək kiçik elektrodlarla təchiz olunmuş ağıllı kontakt linzalar hazırlayıblar. Bu linzalar retina üzərindən aşağı səviyyəli elektrik siqnalları göndərir.
Şahanə
