"Özü boşanmış bir insan ailələrə hansı tövsiyəni edə bilər? Ailəsini dağıdıb boşanan insan yalnız o məsləhəti verə bilər ki, "mən etdiyimi təkrarlayın".
AZXEBER.COM xəbər verir ki, bu fikirləri Oxu.Az-a açıqlamasında Milli Məclisin deputatı Ceyhun Məmmədov həmkarı Hikmət Babaoğlunun "boşanmış biri mediator olmamalıdır" fikrinə münasibət bildirərkən deyib.
Deputat əlavə edib ki, H.Babaoğlu məsələyə doğru yanaşıb:
"Bu işlə hər kəs məşğul olmalı deyil. Mediasiya Şurası önəmli bir qurumdur. Cəmiyyətimizdə boşanma halları sürətlə artır. Bu, həyəcanverici bir məsələdir. Məhz buna görə də boşanan insan heç bir normal təklif verə bilməz. Bir-iki istisna ola bilər. Biz bu barədə yaxşı düşünməliyik. Ailə dəyərlərinə önəm verən şəxs mediator olmalıdır".
