Bu gün “Şəfa” stadionunda Azərbaycanın veteran futbolçuları və Milli Məclisin deputatlarının komandaları arasında veteran futbolçu İsgəndər Cavadovun 55 illik yubileyinə həsr olunmuş yoldaşlıq oyunu keçirilib.
Veteranların komandasının heyətində Şahin Diniyev, Musa Qurbanov, Vəli Qasımov, Arif Əsədov, Zaur İsmayılov, Camaləddin Əliyev, Ruslan Qafitulin və başqaları yer alıb. Milli Məclisin komandasında isə deputatlar Siyavuş Novruzov, Fuad Muradov, Adil Əliyev, Fazil Mustafa, Zahid Oruc, həmçinin aparat işçiləri yer alıb. Komandanı kapitan kimi meydana Siyavuş Novruzov çıxarıb. Yoldaşlıq oyunu veteranların 5:1 hesablı qələbəsi ilə yekunlaşıb. Milli Məclisin komandasının kapitanı Siyavuş Novruzovun vurduğu yeganə qola veteranlar Şahin Diniyevin qolu, həmçinin Vəli Qasımov və Musa Qurbanovun dublu ilə cavab veriblər.
