Surroqat analıq qadının ona bioloji cəhətdən yad olan körpəni bətnində böyütməsi və dünyaya gətirməsidir. Surroqat ananın missiyasi körpəni dünyaya gətirdikdən sonra bitir. Doğulan körpə isə böyüdülmək üçün genetik valideynlərinə verilir və onlar körpənin hüquqi valideynləri hesab olunur.Həkim Gülnarə Sultanqızının sözlərinə görə, qadının anadangəlmə uşaqlığı olmadıqda, hansısa səbəbdən uşaqlıq amputasiya olunduqda surroqat analıq tətbiq olunur. Lakin surroqat analığı da hər bir qadına tətbiq etmək olmaz.Hacı Surxay Məmmədli isə bildirir ki, bu İslam dinində birmənalı olaraq yasaqdır.Surroqat analığın olmasına icazə verildiyini və bunun qanunla qadağan olunmadığını deyən millət vəkili Musa Quliyevsə bildirib ki, bu, heç də cinayət hadisəsi deyil. Ekspertlər isə belə hesab edir ki, daşıyıcı analıq, əslində, insan istismarıdır.
