Dostuna şəlpəqulaq deyilməsinə dözməyən Bəybala 2 nəfəri bıçaqladı
MAQAZİN
11:04 18.06.2012
3776
Abşeron rayonu Saray qəsəbəsində orta məktəb şagirdləri arasında düşən dava iki nəfərin bıçaqlanması ilə nəticələnib. Hadisə qəsəbədəki internet klublarından birinin qarşısında baş verib. “Saray qəsəbəsində şəxsi münasibətlər zəminində yaranan mübahisə zamanı Tağıyev Bəybala Əlövsət oğlu Süleymanov Abbasqulu Yavər oğlu və Ələkbərov Saleh Zöhrab oğluna bıçaq xəsarəti yetirib” – deyə Abşeron RPŞ-nin bölmə rəisi Bilal Nəbiyev bildirib. Qeyd edək ki, hadisənin baş verdiyi gün səhər saatlarında 16 yaşlı Bəybala Tağıyevin mobil telefonuna dostu elxan tərəfindən zəng vurulub. Elxan Bəybalaya iki nəfərlə mübahisə etdiyini və onun köməyinə ehtiyacı olduğunu bildirəndən sonra Tağıyev bıçağını götürərək dostunun harayına yollanıb. “Dostum zəng elədi ki, söhbət var, getdim. Gördüm dalaşırlar vurdum ikisini də”. Bəybalanın hadisəni niyə törətməsinə isə verdiyi cavab çox qəribə olub. “Dostuma şəlpəqulaq deyiblər ona görə”.
