xari

Dünya Bankı: Ermənistana ayırdığımız kreditlər Qarabağda xərclənə bilməz

İQTİSADİYYAT
15:43 02.04.2021
138
"Bir çox ölkələr kimi, Ermənistan da Dünya Bankının üzvüdür. Bizim kredit verdiyimiz üzvlərimiz qarşısında həmin vəsaitin xərclənməsi ilə bağlı spesifik tələblərimiz var”.

AZXEBER.COM xəbər verir ki, bunu "Report”a açıqlamasında Ermənistana ayrılmış kreditlərin Qarabağda istifadə edilməsi ilə bağlı yayılan iddialara aydınlıq gətirən Dünya Bankının Azərbaycan üzrə ölkə meneceri Sara Maykl (Sarah Michael) deyib.

Onun sözlərinə görə, bu tələblər bağlanmış müqavilələrdə öz əksini tapır: "Beləliklə deyə bilərəm ki, biz vəsaitlərin düzgün istifadəsi ilə bağlı şərtlərə 100% sadiqik. Vəsaitlərin müqavilələrdə göstərilən istiqamətdə xərclənməsini təmin etmək üçün güclü təlimatlarımız və nəzarət siyasətimiz var. Nəzərdə tutulmuş istiqamətlərdən kənar xərclənməyə dair dəlil yaxud risk olarsabiz buna qarşı tədbir görəcəyik. Orada hər hansı bir problemin olması ilə bağlı isə məlumatım yoxdur".

Xatırladaq ki, son illər Dünya Bankı və digər beynəlxalq maliyyə institutlarının Ermənistana ayırdığı kreditlərin Azərbaycanın uzun illər işğal altında olmuş və ötən il azad edilmiş ərazilərində istifadə edilməsi ilə bağlı iddialar irəli sürülür. Bir neçə il bundan əvvəl keçmiş iqtisadiyyat naziri Şahin Mustafayev Dünya Bankı rəsmiləri ilə görüşərkən bu mövzuda rəsmi Bakının narahatlığını diqqətə çatdırmışdı.

OXŞAR XƏBƏRLƏR