Dünya çempionatı tarixində ilk və son qollar fransız futbolçular tərəfindən vurulub. Turnirin ilk qolu 1930-cu ildə fransalı Lusien Laurent tərəfindən qeydə alınıb. Son qol isə 2022-ci ildə fransalı Kilian Mbappe tərəfindən vurulub.
1930-cu il iyulun 13-də Uruqvayın paytaxtı Montevideoda keçirilən matçda Lusien Laurent Meksika millisinin qapısına Dünya Kuboku tarixinin ilk qolunu vurub.
Son qol isə 18 dekabr 2022-ci ildə Qətərin Lusail şəhərində keçirilən final matçının əlavə vaxtında Kilian Mbappe tərəfindən Argentina yığmasına qarşı vurulub. Bu qol turnir tarixində 2720-ci qol olub, lakin Fransanın çempionluq qazanması üçün kifayət etməyib.
Məqalədə qeyd olunur ki, Dünya Kubokunda müəyyən yuvarlaq qollar da xüsusi tarix kimi yadda qalıb:
* 500-cü qol: Bobbi Kollins (1958)
* 1000-ci qol: Rob Rensenbrink (1978)
* 1500-cü qol: Klaudio Kaniqqia (1994)
* 2000-ci qol: Markus Allbak (2006)
* 2500-cü qol: Fakhreddine Ben Youssef (2018)
Ən gənc və ən yaşlı qolçular:
* Ən gənc qolçu: Pele (17 yaş 244 gün)
* Ən yaşlı qolçu: Rocer Milla (42 yaş 39 gün)
Bəzi digər rekordlar:
* İlk het-trik: Bert Patenaude (1930)
* Ən sürətli het-trik: Laszlo Kiss (7 dəqiqə)
* İlk avtoqol: Ernst Lötsçer (1938)
* İlk penalti qolu: Manuel Rosas (1930)
