xari

Dünya universitetlərinin dərsliyi Azərbaycan dilində nəşr olundu

İQTİSADİYYAT
16:15 16.02.2021
239
Azərbaycan Beynəlxalq Bankı daha bir korporativ sosial məsuliyyət layihəsini cəmiyyətə təqdim edib. Layihə çərçivəsində Massaçusetst Texnologiya İnstitutunun professoru Conatan Qruberin "Dövlət maliyyəsi və dövlət siyasəti” kitabı Azərbaycan dilinə tərcümə edilərək nəşr olunub.
 
AZXEBER.COM xəbər verir ki, bu, Azərbaycan Beynəlxalq Bankının ölkəmizdə təhsilə, innovasiyalara, cəmiyyətdə maliyyə savadlılığının artırılmasına dəstək tədbirlərinin davamıdır.

Yüksək keyfiyyətlə nəşr olunmuş kitabın nüsxələrini Azərbaycan Beynəlxalq Bankı ölkəmizdə fəaliyyət göstərən bütün universitetlərə, eləcə də mərkəzi kitabxanalara hədiyyə edəcək. Dövlət maliyyəsi və dövlət siyasəti mövzusu ilə maraqlanan hər bir oxucu dərslikdən faydalana biləcək.

Professor Conatan Qruberin adı çəkilən kitabı bu mövzu üzrə ən mükəmməl dərsliklərdən sayılır. Kitabdan dünyanın aparıcı universitetlərində tədris zamanı fundamental mənbə kimi geniş istifadə edilir. Dərslik müasir dövrün reallıqlarına aid dərin təhlillərlə, maraqlı faktlarla zəngindir. Burada öz əksini tapmış nəzəri yanaşmalar, praktik həllər, əsaslı dəlillər dövlət maliyyəsi və dövlət siyasəti ilə bağlı dolğun təsəvvür yaradır.

Azərbaycan Beynəlxalq Bankı kimi böyük biznes qurumunun bu faydalı təşəbbüsü ölkəmizdə dərslik bazasının sürətlə yenilənməsinə, yeni peşəkarlar nəslinin yetişməsinə, beynəlxalq təcrübənin cəmiyyətimiz üçün daha da əlçatan olmasına xidmət edir. Ana dilimizdə bu cür faydalı resursların formalaşdırılması qloballaşma şəraitində Azərbaycan dilinin qorunması və inkişafı işinə də əhəmiyyətli dəstəkdir.

Bankın İdarə Heyətinin sədri Abbas İbrahimov bildirib: "Azərbaycan Beynəlxalq Bankı müasir dövlət bankı olaraq dövlətimizin həyata keçirdiyi sosial layihələrdə, iqtisadiyyata dəstək tədbirlərində yaxından iştirak edir. Cəmiyyətimizdə dövlət maliyyəsi üzrə bilik səviyyəsinin genişlənməsi sosial-iqtisadi transformasiya proseslərinin öz məqsədinə çatması baxımından son dərəcə faydalıdır. Ona görə biz də məhz bu fundamental dərsliyin tərcümə və nəşrinə qərar verdik. Ümid edirik ki, bu kitab universitetlərimizdə müasir tələblərə uyğun kadr hazırlığı işinə, elm və təhsilin inkişafına kömək göstərəcək. Eləcə də sosial-iqtisadi həyatın iştirakçıları arasında münasibətlərin tənzimlənməsinə fayda verəcək. Azərbaycan Beynəlxalq Bankı belə layihələri bundan sonra da davam etdirmək niyyətindədir”.

Müasir dövlət bankı olan Azərbaycan Beynəlxalq Bankının universal və faydalı məhsul və xidmətləri barədə məlumatları bankın filial və şöbələrindən, www.ibar.az internet səhifəsindən, 937 nömrəli Məlumat Mərkəzindən, həmçinin rəsmi Facebook səhifəsindən əldə etmək olar.

OXŞAR XƏBƏRLƏR

ƏN SON XƏBƏRLƏR

23:50 27.02.2021

Azərbaycanda sevgilisi başqası ilə nişanlanan 20 yaşlı gənc intihar etdi

23:26 27.02.2021

Cavad Zərif: ABŞ Tehran və Bağdad arasında nifaq salmaq istəyir

23:11 27.02.2021

Türkiyədə koronavirusla bağlı son vəziyyət

22:52 27.02.2021

Azərbaycanda daha bir məktəb koronavirusa görə bağlandı

22:43 27.02.2021

Türkiyədə dəhşətli hadisə: Ana yeni dünyaya gətirdiyi körpəsini paltar şkafında gizlətdi, uşaq öldü

22:29 27.02.2021

Saatlı sakini ehtiyatsızlıqdan özünü güllələdi

21:49 27.02.2021

Bakıda mənzildən kişi meyiti tapıldı

21:33 27.02.2021

Ermənistan müxalifəti: Bütün hərbçilər Paşinyanın istefasını tələb edir

21:19 27.02.2021

İŞİD-çilər Suriyada qaz borusunu partlatdılar

21:07 27.02.2021

XİN-dən Ermənistan silahlı qüvvələrinin Azərbaycan ərazilərinə göndərilməsi ilə bağlı AÇIQLAMA

21:04 27.02.2021

Mutasiyalara təsir edəcək yeni nəsil COVID peyvəndi hazırlanır

20:56 27.02.2021

Prezidentdən bitməyən suallara zarafatla cavab: “Əgər sual varsa, mən hazıram” - VİDEO

20:06 27.02.2021

" Dövlət şəhid ailələri, müharibə əlilləri üçün əlindən gələni edir"

18:28 27.02.2021

Ermənistanda Paşinyanın istefası tələbi ilə növbəti aksiya keçirilir

18:14 27.02.2021

Ukraynada xəstəxanada partlayış: Yaralılar var

17:43 27.02.2021

Azərbaycanda koronavirusa yoluxanların və ölənlərin sayı artdı