Dünyaca məşhur repçi Travis Scott türkiyədə qalmaqallı konsertə imza atıb.
AZXEBER.COM xarici mətbuata istinadən xəbər verir ki, konsert tənqid hədəfinə çevrilib.
Bilet qiymətlərinin 50 min TL-yə qədər yüksəldiyi konsertdə sənətçi səhnəyə bir saat gec çıxıb və cəmi 20 dəqiqə səhnədə qalıb.
Yüksək məbləğ ödəyən tamaşaçıların bir çoxu gözləntilərinin doğrulmadığını bildirib.
Konsert boyu üzünü aksesuarla örtərək səhnəyə çıxan repçiyə, gecənin sonunda bəzi tamaşaçıların narazılıqlarını fit və etiraz səsləri ilə ifadə etdiyi, sənətçinin isə bu reaksiyalar fonunda ərazini tərk etdiyi bildirilir.
Qeyd edək ki, Travis Scottın Türkiyədəki ilk konserti hələ tədbir keçirilməzdən əvvəl bilet qiymətləri ilə gündəmə gəlmişdi. Bəzi kateqoriyalar üzrə biletlərin qiyməti 50 min TL-yə qədər yüksəlmiş, qara bazarda isə bu rəqəmlərin daha da artdığı iddia olunmuşdu. Məhdud sayda iştirakçı ilə təşkil edilən tədbir Türkiyənin ən bahalı konsertlərindən biri kimi qiymətləndirilirdi.
Aysel
