Məşhur “Forbes” jurnalı 2013-cü ilin ən gözəl avtomobillərinin siyahısını açıqlayıb.
AZXEBER.COM-un məlumatına görə, siyahının hazırlanmasında mütəxəssislər Mett Hardiqr, Brett Berk və Maykl Prinçinello yaxından iştirak edib. Beləliklə, 2013-cü ilin 10 ən gözəl avtomobil modelini təqdim edirik:
Peugeot Onyx
Le Korbuzye demişdi ki, ev – yaşamaq üçün maşındır. Yeni Peugeot Onyx buraxıldıqdan sonra demək olar ki, avtomobil – gəzmək üçün evdir. Sərt və yastı xətlər onu daha da əzəmətli edir. Bu avtomobil materialların möhtəşəm rasional istifadəsinin təzahürüdür.
Aston Martin CC100
Böyük Britaniyanın Aston Martin brendi açıq kuzalı CC100 modelini istifadəyə verib. Yeni model ötən əsrin 50-ci illərində buraxılan DBR1 modelini xatırladır. Səciyyəvi xüsusiyyəti radiatrın ön hissəsinin Aston Martinin əvvəlki modelindən xeyli geniş olmasıdır.
McLaren P1
Hibrid mühərrikli McLaren P1 modeli McLarenin texnoloji cəhətdən tam yeni nümunəsidir. Aerodinamik dizayn tam təkmilləşdirilib. Olduqca gözəl olan P1 modeli sələfi McLaren F1-in xüsusiyyətlərini də özündə birləşdirir.
Jaguar F-Type “F-Type”
Jaguarın şəksiz indiyədək istehsal edilən ən gözəl modelidir. O, rodster kimi heyrətamiz görüntüdə olsa da, kupe kuzalı F-Type daha gözəl görünəcək. Cadillac CTS ABŞ-ın idman üslublu sedanları almanları belə qorxuya sala bilər. Mütəxəssislərin fikrincə, yeni Cadillac CTS buna tam əminlik verir.
Cadillac CTS
ABŞ-ın idman üslublu sedanları almanları belə qorxuya sala bilər. Mütəxəssislərin fikrincə, yeni Cadillac CTS buna tam əminlik verir.
Alfa Romeo 4C
Alfa Romeo brendi 20 ilə yaxındır ki, ABŞ-da yeni model istehsal etmirdi. Lakin 4C ilə tilsimi sındıran Alfa Romeo 2014-cü ildə tamamilə bazara daxil olacaq.
Lamborghini Aventador Roadster
2011-ci ildə kupe kuzalı modeli uğurla təqdim edən Lamborghini indi də rodsterlə gündəmə gəlib. Yeni Aventador LP 700-4 Dione 20”/21” diskləri ilə təchiz edilib ki, bu disklər avtomobilə aqressiv görüntü verir. Yüngül allüminiumdan hazırlanması isə maşının çəkisini 10 kq azaldıb.
Maserati Ghibli
2013-cü ilin ən uğurlu modellərindən biri də Maserati Ghiblidir. Ortahəcmli, 4 qapılı Ghibli müasir dəbə uyğun dizayndadır. Avropada bu modelin ən münasib qiyməti 800 min avrodur.
Vauxhall Astra VXR
Astra VXR sübut etdi ki, atletik və cəlbedici heçbek istehsal etmək mümkündür. Bu modelin dizayneri olan Endryü Dayson kuzanın tamamlanan xətlərini və daha iri olan ön spoyleri modelə əlavə edib.
Volkswagen XL1
Volkswagen XL1 gələcəyin səmərəli avtomobilidir. Avtomobil bu ilin fevralında Cenevrədə nümayiş etdirilib. O, mütəxəssislər tərəfindən ən qənaətcil maşın olaraq səciyyələndirilib: Volkswagen XL1 100 km məsafədə cəmi 0.9 litr dizel yanacağı sərf edir. Belə ekonomik göstərici avtomobilin yüngül çəkisi (795 kq) və yüksək aerodinamikliyi hesabına əldə edilir.
