Bakı şəhərində yol polisinin qəribə addımı ilə rastlaşılıb. Yol polisi əməkdaşı idarə etdiyi 10 PL 678 dövlət nömrə nişanlı KİA markalı mülki avtomobillə Şeyx Şamil və İstiqlaliyyət küçələrinin kəşişməsində yolu bağlayıb və avtomobillərin “Azneft” isitqmətində hərəkətinə qadağa qoyur. Yolu açandan sonra isə maşını yoldakı xətlənmiş təhlükəsizlik zolağlında saxlayır.Yol polisi mülki maşınla yol bağlaya bilərmi? Bakı Şəhər Yol Polis İdarəsinin bölmə rəisi Vaqif Əsədov bildirib ki, yol polisi şəxsi avtomobilində hər hansı yolda hərəkətin idarəedilməsi ilə bağlı dəyişiklik edirsə, burada qəbahət yoxdur. Şəxsi avtomobillə xidmət aparıb hansısa avtomobili saxlaya bilməz. Eyni zamanda, şəxsi avtomobili ilə xidmət etdiyi əraziyə gedib orada piyada xidmət aparırsa, bu da qanun pozuntusu deyil.Bölmə rəisinin sözlərinə görə, qanunvericilik yolların maşınla bağlanılmasını qadağan edir: “Hərəkət yol nizamlayıcısı qismində durmuş polisin göstərişi əsasında nizamlanmalıdır. Təəssüf ki, yol polisi məcburiyyətdən maşınla yol bağlayır. Bu yol hərəkətində mədəniyyətin aşağı olması və sürücülərin nizamlayıcı qismində olan polislərin göstərişlərini yerinə yetirməməsinin nəticəsidir. Yolun hərəkət hissəsi heç bir nəqliyyat vasitəsilə bağlanmamalıdır. Yolda duran polis əməkdaşı nizamlayıcı qismində əl hərəkətləri ilə bu və ya digər istiqamətlər üzrə avtomobillərin hərəkətinə qadağa qoyur və ya istiqaməti dəyişir. Belə olduqda sürücülər göstərişləri yetirinə yetirməlidirlər. Sürücülər bunu düzgün qiymətləndirmir deyə, yol polisi şəxsi avtomobili yol ayrıcında yerləşdirir. Bu qanun pozuntusu olsa da, vətəndaşları başa salmaq üçün belə edilir”.//milli.az
