Suriyada Əsəd rejimini devirərək hakimiyyətə gələn Əhməd Əl-Şaranın son 7 ayda 3 ayrı sui-qəsd cəhdindən sağ çıxdığı üzə çıxıb.
AZXEBER.COM Türkiyə mətbuatına istinadən xəbər verir ki, İsrail mediası Türkiyə təhlükəsizlik qüvvələrinin Şaranın həyatını dəfələrlə xilas etdiyini yazıb.
Belə ki, İsrailin "Yedioth Ahronoth" qəzeti son 7 ayda Əhməd Əl-Şaraya qarşı üç sui-qəsd cəhdinin edildiyini iddia edən xəbər yayıb.
Bu cəhdlərin arxasında İŞİD-ə bağlı ünsürlərin dayandığı bildirilən yazıda Şaranın xüsusilə ilk hücum zamanı Türkiyə təhlükəsizlik qüvvələrinin sayıqlığı sayəsində sağ qaldığı vurğulanıb.
İlk cəhd Əhməd Əl-Şaranın Dəməşqdə Prezident Sarayından çıxışında olub.
İkinci cəhd Suriyanın İordaniya sərhədi yaxınlığındakı Dəra əyalətində baş verib.
Əhməd Əl-Şaranın bölgəyə səfəri zamanı Suriya və Türkiyə təhlükəsizlik qüvvələri konvoy yolunda iki şübhəli şəxsi zərərsizləşdiriblər.
Bu hadisə barədə də ictimaiyyətə məlumat verilməyib.
Üçüncü və ən təhlükəli cəhd Şaranın Dəməşq daxilində müəyyən edilmiş marşrutlarından birində baş verib.
İsrail mediası Şaraanın tez-tez istifadə etdiyi marşrut üzərində qurulan silahlı pusqusunun son anda aşkar edilərək qarşısının alındığını iddia edib.
Bu cəhddən sonra Şaranın qəfil Dəməşqi tərk etməsi həm yerli, həm də beynəlxalq dairələrdə spekulyasiyalara səbəb olub.
Mikayıl
