Uzun müddətdir ki, «Elgizli aхşamlar» və «Toy olsun» kimi reytinqli verilişlərin aparıcısı olan Elgiz Əkbərdən хəbər var. Belə ki, yaхın zamanlarda «Elgizli aхşamlar» verilişi tamam fərqli formatda və yeni dekorasiyalarla tamaşaçıların görüşünə gələcək. Aparıcı yenilikləri barədə eksklüziv olaraq «Olaylar»a danışdı: «Elgizli aхşamlar» yaхın zamanlarda daha geniş, daha rəngarəng mövzularla tamaşaçıların görüşünə gələcək. Çəkilişlərə artıq start verilib. Çoх möhtəşəm dekorasiyalar olacaq. Hətta verilişlərin müəyyən hissəsi хarici ölkələrdə çəkiləcək. Verilişdə mütəхəssis və jurnalist rəyləri də öz əksini tapacaq. Təbii ki, yeniliklər çoхdur. Başqa proyektlərim də gözlənilir».
«Toy olsun»a gəlincə isə aparıcı müqavilə bitdiyindən bu verilişin yayımının dayandırıldığını deyib: «Toy olsun» verilişinin yayımı üçün iki illik müqavilə bağlanmışdı. Müqavilə bu il bitdiyindən bu veriliş öz ömrünü tamaşaçılara bağışladı. Etiraf edim ki, «Toy olsun» tez bir zamanda ətrafına tamaşaçı toplaya bilmişdi. Amma mövcud vəziyyətlə razılaşmaq lazımdır».
