Azərbaycanlı FİFA hakimi Əliyar Ağayev UEFA-dan növbəti təyinat alıb.
AZXEBER.COM-un məlumatına görə, həmyerlimiz 21 yaşadək futbolçulardan ibarət komandalar arasında Avropa çempionatının seçmə mərhələsinin matçını idarə edəcək.
O, 8-ci qrupun Belarus – Hollandiya oyununda fit çalacaq. Bu görüş sentyabrın 2-də keçiriləcək.
Ona Zeynal Zeynalov və Rza Məmmədov kömək edəcəklər. Dördüncü hakim funksiyasını Orxan Məmmədov yerinə yetirəcək.
Qeyd edək ki, Ağayev sentyabrın 6-da Rusiya və Qana millilərinin yoxlama oyununda da baş hakim kimi meydana çıxacaq.
