Əməkdar artist Könül Kərimova hərəkəti ilə hər kəsi təəccübləndirib.
AZXEBER.COM xəbər verir ki, Əməkdar artist gənc ifaçı Anarın ifa etdiyi və 5 milyon baxış əldə edən "Yar başına dönüm sənin" adlı mahnını "youtube" kanalından sildirib.
Hər zaman gənclərə dəstək olan Könül Kərimova ATV-də yayımlanan "Rəngarəng" verilişinə zəng edərək, gənc ifaçının ifa tərzini bəyənmədiyi üçün bu addımı atdığını bildirib:
"Mən iki gündür özümə gələ bilmirəm əsəbdən. İndi başa düşürəm ki, bəstəkarlar nələr çəkir. Mən müasirliyi də, yeniliyi də yaxşı başa düşə bilirəm. Amma mahnını bu dərəcədə ələ salmazlar. Məni görən deyirdi ki, xəbəriniz var, sizin mahnınızı necə ələ salıblar. Mən bunu həzm edə bilməzdim".
Qeyd edək ki, söhbət sözləri Zemfira Əlişqızına, musiqisi isə Könül Kərimovaya məxsus olan "Yar başına dönüm sənin" adlı mahnıdan gedir.
Aysel
