Azərbaycanın Əməkdar artisti vəfat etdi - FOTO

MƏDƏNİYYƏT
11:46 16.11.2021
2981
Azərbaycanın tanınmış aktyoru, Əməkdar artist Məcnun Hacıbəyov vəfat edib.

AZXEBER.COM xəbər verir ki, aktyor 86 yaşında dünyasını dəyişib.

Mərhum bu gün Qubanın İkinci Nügədi kənd qəbiristanlığında torpağa tapşırılacaq.

Qeyd edək ki, M.Hacıbəyov 1935-ci ilin 5 oktyabrında Quba rayonun İkinci Nügədi kəndində doğulub. Aktyor 10 illik orta məktəbi də bu kənddə bitirib. 1965-ci ildə Azərbaycan Dövlət Mədəniyyət və İncəsənət Universitetinin aktyorluq fakültəsini bitirib.

Aktyor "Canavar balası", "Evlənmək istəyirəm", "Gənclik Macərası", "Göz həkimi", "Gülüş sanatoriyası", "Kişilər", "Qatarda", "Qəzəlxan", "Yarımştat" kimi film və televiziya tamaşalarında yaddaqalan obrazlar ifa edib.

Allah rəhmət eləsin!
 

 


OXŞAR XƏBƏRLƏR