Emin Hacıyev: Xalq-iqtidar birliyi Azərbaycanın sabitliyinin, inkişafının qarantıdır

SOSİAL
15:06 10.04.2020
319
"Bu gün Azərbaycanın dinamik, ardıcıl inkişafının əsasında düşünülmüş siyasi qərarlar dayanır. Dövlətimizin başçısı cənab İlham Əliyevin müəyyən etdiyi siyasi xətt, ortaya qoyduğu siyasi iradə hər şeydən öncə Azərbaycan vətəndaşının xoşbəxtliyinin, rifahının təmin olunmasına xidmət edir. Yeni Azərbaycan Partiyası bu siyasi strategiyanın müəyyən edilməsi və uğurla realizə olunmasında aparıcı qüvvə kimi çıxış edir”.
 
AZXEBER.COM xəbər verir ki, bu sözləri yap.org.az saytına millət vəkili Emin Hacıyev deyib.

E.Hacıyev qeyd edib ki, 1990-cı illərin əvvəllərində Azərbaycanda xeyli sayda siyasi partiya, ictimai birlik və hərəkatlar mövcud idi: "Ancaq bu siyasi qüvvələr ictimaiyyətin mütləq əksəriyyətinin dəstəyini qazana bilməmişdi. Ölkə siyasi və iqtisadi kataklizmlər, olduqca dərin böhran içərisində idi, bütün sahələrdə xaos hökm sürürdü, digər bir tərəfdən cəbhə xəttindəki uğursuzluqlar, ermənilərin Azərbaycan rayonlarını işğal etməsi, sosial problemlər, sabitliyin təmin edilə bilməməsi yeni siyasi hərəkatın önə çıxmasını və prosesləri idarə etməsini zəruri edirdi. Həmin dövrdə nəinki ölkənin inkişaf perspektivi görünmürdü, xalq olaraq bir əsrdə ikinci dəfə qazandığımız müstəqilliyi itirmək təhlükəsi ilə üz-üzə qalmışdıq. Başqa sözlə, xalqı öz ətrafında birləşdirən və səfərbər edən yeni bir siyasi hərəkata ehtiyac var idi. Bu hərəkatı dahi siyasətçi, ulu öndər Heydər Əliyev yaratdı. Xalq gördü ki, çıxış yolu vətənini sevən dahi liderin hakimiyyətə qayıdışıdır, əks halda ölkə uçuruma doğru gedir. Məhz bu baxımdan 1992-ci ildə Naxçıvanda ulu öndər Heydər Əliyevin sədrliyi ilə Yeni Azərbaycan Partiyasının təsis edilməsi, daha sonra isə xalqın tələbi ilə ulu öndərin hakimiyyətə qayıdışı tarixi hadisə idi. Biz tarixin sonrakı mərhələlərində - ölkəmizin bütün sahələrdə əldə etdiyi uğurlara, Azərbaycanın dünyanın ən dinamik inkişaf edən ölkələrindən birinə, beynəlxalq siyasi münasibətlərdə mühüm aktora çevrilməsinə baxdıqda bu hadisənin nə qədər tarixi əhəmiyyət kəsb etdiyini görürük”.

Millət vəkili bildirib ki, bu gün Azərbaycan çoxpartiyalı sistemin, demokratik dəyərlərin möhkəmləndiyi ölkələrdəndir və Azərbaycan Prezidentinin təşəbbüsü ilə yeni siyasi konfiqurasiya formalaşır: "Bu gün dövlətimizin başçısının təşəbbüsü ilə siyasi hakimiyyət müxalifətlə dialoqa can atır, bunu təşkil edir. Kimlərsə bu dialoqdan qaçırsa, deməli konstruktiv əməkdaşlıqda maraqlı deyil. Beşinci kolonun nümayəndələri xaricdən, Azərbaycanın inkişafını istəməyən qüvvələrdən aldıqları dəstəklə Azərbaycanda təxribatlar,qarşıdurmalar yaratmaqda maraqlıdırlar, bunun üçün hər şeyi etməyə hazırdırlar. Amma unudurlar ki, siyasi hakimiyyəti dəyişməyin yolu xalqın dəstəyindən, iradəsindən keçir. Bu gün ölkəmizdə mövcud olan xalq-iqtidar birliyi Azərbaycanın sabitliyinin, inkişafının qarantıdır. Və Azərbaycan dövləti istənilən vəziyyətdə öz vətəndaşının yanındadır".

OXŞAR XƏBƏRLƏR

ƏN SON XƏBƏRLƏR

23:24 28.05.2020

Qətərin məşhur və unikal tikilisi Azərbaycan bayrağının rəngləri ilə işıqlandırıldı

23:22 28.05.2020

Şagirdlər Respublika Gününü belə qeyd etdi-Video

23:04 28.05.2020

Türkiyə Super Liqası bu tarixdə bərpa ediləcək - RƏSMİ

22:38 28.05.2020

İngiltərədə ilk: hicablı qadın hakim təyin olundu

22:15 28.05.2020

İlham Əliyev: “Azərbaycan Xalq Cümhuriyyəti qürur mənbəyimizdir"

22:13 28.05.2020

Azərbaycanda koronavirusla bağlı bugünkü test sayı məlum oldu - STATİSTİKA

22:03 28.05.2020

Prezident: "Azərbaycan Ordusu istənilən vəzifəni icra edə bilər"

22:00 28.05.2020

Dünyanın ən hündür tikilisi Azərbaycan bayrağına büründü -FOTO - VİDEO

21:48 28.05.2020

Prezident: "Heydər Əliyev amili qoymurdu ki, ermənilər baş qaldırsınlar"

21:34 28.05.2020

Koronavirusun yayılmasında günahkar hesab edilən qadın ilk dəfə bu barədə danışdı

20:54 28.05.2020

Bakıda kişi gözəllik salonunda işləyən həyat yoldaşını öldürdü

20:04 28.05.2020

Gürcüstan Ermənistana koronavirusla mübarizədə kömək təklif etdi

19:38 28.05.2020

Azərbaycanda bu günə qədər 4 759 nəfər koronavirusa yoluxub, 56-sı ölüb

19:25 28.05.2020

Azərbaycanda daha 191 nəfər koronavirusa yoluxdu, 2 nəfər öldü

19:23 28.05.2020

Gürcüstan prezidenti Azərbaycan xalqını təbrik etdi

19:06 28.05.2020

Qanunsuz it döyüşləri təşkil edənlər həbs edildi - RƏSMİ