"Siz Balkanlarda, Çanaqqalada, Qalisiyada vardınız. Qaziantepdə, Şanlıurfada, Maraşda siz vardınız! İstiqlal müharibəsində, Sakaryada, Dumlupınarda, İzmirdə siz var idiniz!”.
AZXEBER.COM xəbər verir ki, bunu Türkiyə Prezidenti Rəcəb Tayyib Ərdoğan hakim Ədalət və İnkişaf Partiyasının (AK Parti) Gənclər Təşkilatının 6-cı qurultayında söyləyib.
"Kiprdən İraqa və Suriyaya, Qarabağdan Liviyayadək – qardaşlarımızın köməyinə getdiyimiz hər yerdə siz var idiniz. Harada bir ay-ulduzlu bayraq ucaldıldısa, onu ora daşıyan da, enməsinə imkan verməyən də sizsiniz. Ölkəmizi bölmək istəyən PKK-lı alçaqların qarşısına çıxan Yasin Börülər, Ərən Bülbüllər də siz idiniz!”, - o bildirib.
