Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin 2 saylı Uşaq evi sosial xidmət müəssisəsinin sakinləri üçün "Erkən nikahın mənfi nəticələri” mövzusunda maarifləndirici təlim keçirilib.
AZXEBER.COM xəbər verir ki, təlim zamanı erkən nikah anlayışı, onun hüquqi və ictimai aspektləri, yaranma səbəbləri, eləcə də doğurduğu mənfi nəticələr və fəsadlar barədə ətraflı məlumat verilib.
Tədbir gəncləri erkən nikahın yaratdığı fəsadlar barədə maarifləndirmək, bu cür halların qarşısının alınmasına töhfə vermək və mövzu ilə bağlı onların düzgün və sağlam düşüncələrinin formalaşmasına dəstək məqsədi daşıyıb.
Sonda suallar cavablandırılıb, mövzu ətrafında müzakirə aparılıb.
