Amerika basketbol liqasındakı “LA Clippers”-“Phoenix Suns” qarşılaşmasında Amerikanın himnini oxumalı olan Sinem Saniyenin çıxışı son anda ləğv edilib. Azxeber.com portalı Ermənistan mətbuatına istinadən xəbər verir ki, müğənni işin arxasında erməni diasporunun əlinin olduğunu deyib: “İlk dəfədir ABŞ-da türk olmağın maneələrini yaşayıram. İrqçilik və nifrət üzündən musiqi ilə məşğul ola bilmirəm. Çıxışımı “təhlükəsizlik problemləri ola bilər” deyə ləğv ediblər. Məncə, erməni diasporu etiraz edib. Halbuki ən yaxın dostlarımdan biri erməni, digəri yunandır”.
