İngiltərə polisi erməni əsilli tennisçi David Nalbandyana qarşı cinayət işi qaldıra bilər. ANS-in Rusiya mətbuatına istinadla verdiyi məlumata görə, Argentinanı təmsil edən tennisçi ATP turnirinin final mərhələsində əməlinə görə cavab verməli olacaq. Qeyd edək ki, turnir vaxtı Nalbandyan Marin Çiliça ilə oyunda növbəti heymi məğlubiyyətlə başa vurduqdan sonra reklam hesablama lövhəsinə təpik vurub. Bununla da o, lövhənin yanında oturan yan xətt hakimini yaralayıb.
