Əsgər yoldaşını görməyə marixuana ilə gəldi - VİDEO
Bütün Xəbərlər
12:36 14.03.2015
1365
Gəncə şəhər sakini Zərdab rayonunda saxlanılıb. Polis onun üzərindən qurudulmuş marixuana aşkar edib.Zərdab Rayon Polis Şöbəsinin əməkdaşları tərəfindən tutulan Gəncə şəhər sakini Əli Əliyevin üzərinə baxış keçirərkən ondan 0.5 kiloqrama qədər narkotik maddə olan marixuana götürülüb. Saxlanılan şəxs Gəncədəki evlərində marixuanadan bir qədər istifadə etdiyini deyib. Səhəri gün içki qəbul etdikdən sonra Zərdab rayonunda olan əsgər yoldaşının yanına gəldiyini deyən saxlanılan şəxs özü ilə marixuana da gətirdiyini bildirib. Əli Əliyev özünü şübhəli apardığına görə, polis əməkdaşları tərəfindən saxlanılıb. Saxlanılan zaman o, kəskin ağrıları olduğu üçün marixuanadan ağrıkəsici kimi istifadə etdiyi deyib.Əli Əliyev - saxlanılan şəxs: "Mən özümlə götürürəm həmişə, özüm çəkirəm. Mən onun çəkəniyəm də. Ağrılarıma görə çəkirəm. Ağrıyıram, onu çəkəndə elə bil əllə çıxarırlar ağrını".Faktla bağlı cinayət işi açılıb, araşdırma aparılır.
