Bakıda keçiriləcək "Eurovision 2012" Mahnı Müsabiqəsində nümayəndə heyətləri, mətbuat və fanlar üçün akkreditasiyanın başlanma tarixi açıqlanıb.
AZXEBER.COM-un "eurovision.az" saytına istinadən verdiyi məlumata görə, akkreditasiya prosesi fevralın 15-i Mərkəzi Avropa vaxtı ilə saat 12:00-da (Bakı vaxtı ilə saat 15:00) başlayacaq. Qeydiyyat aprelin 20-si Mərkəzi Avropa vaxtı ilə saat 23:59-a (Bakı vaxtı ilə saat 02:59) kimi davam edəcək.
Akkreditasiya prosesi "Eurovision" Mahnı Müsabiqəsinin rəsmi saytı olan eurovision.tv-də "Eurovision Family Accreditation System" (EFAS) vasitəsi ilə həyata keçiriləcək. Aprelin 20-də proses bağlandıqdan sonra bu sistemə müraciət edən şəxsin akkreditasiyadan keçəcəyinə zəmanət verilmir.
