«Eurovision-2012» mahnı müsabiqəsinə ilkin dinləmələr başa çatıb. Birinci mərhələdə 119 nəfər iddialını dinləyən münsiflər arasında müğənni Tünzalə Ağayeva da olub. Tünzalə Ağayeva "Azadlıq" radiosuna dinləmələrlə bağlı təəssüratlarını bildirib. Müğənninin fikrincə, 119 ifaçı arasında perspektivi olanlar az deyil: “Əgər onlara düzgün imiclə yanaşılsa, üzərlərində işləsələr, bu uşaqlar gəlib bir yerə çıxacaqlar. Keçənilki müsabiqə zamanı da o uşaqların üzərində işlənildi, yoxsa onlar da ilk dəfə gələndə çiy idilər. Seçmə zamanı adi formada idilər”.Müğəninin fikrincə, “Eurovision”da iştirak edən iddiallılar barədə indidən rəy vermək tezdir: “Təbii ki, potensial sonra mərhələdən mərhələyə adladıqca üzə çıxdı. İnanıram ki, indiki uşaqlarda da belə olacaq, onların potensialını zaman keçdikcə görəcəyik. Keçən ilki proses tam formada gözümün qabağında olduğu üçün indiki ilə müqayisə apara bilməyəcəm, hələ tezdir”.
