Əməkdar artist Röya Ayxan "Hər şey daxil" verilişinin qonağı olub.
Müğənni yenilikləri, bu ay baş tutacaq konserti barədə məlumat verib. İfaçı mahnılarını yeni aranjmanda konsert izləyicilərinə təqdim edəcəyini söyləyib.
Röya verilişdə maraqlı bir açıqlama verərək hər kəsi təəccübləndirib. O, canlı yayımda heç vaxt evlənməyəcəyini qeyd edib:
"İkinci dəfə ailə quranlara pis baxmıram. Ailə qursunlar, ancaq mən yox. Mən heç kimi bədbəxt edə bilmərəm. Sakit oturmuşam".
Qeyd edək ki, R.Ayxan məmur oğlu olan sevgilisindən ayrılıb. İfaçı bir neçə gün bundan əvvəl onu xatırlayıb canlı yayımda ağlamışdı. (qafqazinfo)
